सिन्धुपाल्चोक — नेपाली कांग्रेसको १५औँ महाधिवेशनअन्तर्गत सिन्धुपाल्चोक प्रतिनिधिसभा क्षेत्र नम्बर २ बाट निर्वाचित महाधिवेशन प्रतिनिधिहरूको मतपरिणाम सार्वजनिक भएको छ। विभिन्न क्लस्टरबाट प्रतिनिधि चयन भएका छन्।
खुला क्लस्टरतर्फ वंशलाल तामाङले ८११ मत प्राप्त गर्दै सबैभन्दा बढी मत पाएका छन्। सोही समूहमा आइतमान तामाङले ६९०, विष्णु विक्रम थापाले ५२९, बिलबहादुर तामाङले ५२०, अनिलकुमार तामाङले ४९१, सागरकुमार श्रेष्ठले ४५५, निमा लामाले ४३७, अनुप न्यौपानेले ४०९, सुनिलकुमार तामाङले ३९३ र टंकबहादुर कार्कीले ३५७ मत प्राप्त गरेका छन्।
विभिन्न क्लस्टरबाट निर्वाचित प्रतिनिधि
युवा खुलातर्फ दिनेशराज खनाल ५३५ र प्रविणकुमार कार्की ३७१ मतसहित निर्वाचित भएका छन्। अल्पसंख्यक क्लस्टरबाट छिरिङ लामा ह्योल्मोले ५११ मत प्राप्त गरेका छन्।
प्रजातन्त्र सेनानीतर्फ शिवप्रसाद लामिछाने ३५२ मतसहित निर्वाचित भएका छन् भने समानुपातिक दलिततर्फ सुवास विश्वकर्माले ३८७ मत प्राप्त गरेका छन्।
समानुपातिक जनजाति महिला क्लस्टरबाट जमुना माझी ५९१, सबिता गुरुङ ५७६ र सानुमाया हिमालय ३८३ मतसहित विजयी भएका छन्।
समानुपातिक खस–आर्य खुलातर्फ राजु रायमाझी ४०६ र रमेशराज भण्डारी ३४० मतसहित निर्वाचित भएका छन्। अपाङ्गता क्लस्टरबाट शिवहरी नेपाल वैरागीले ५०५ मत पाएका छन्।
महिला र युवा महिलातर्फ पनि प्रतिनिधि चयन
महिला क्लस्टरतर्फ यास्मिन ढुंगाना ६५२ मतसहित सबैभन्दा अगाडि रहेकी छन्। त्यसपछि रमिला तिमिल्सिना ४६८, सजिना श्रेष्ठ ४०२ र राधिका पौडेल ३७० मतसहित निर्वाचित भएका छन्।
श्रमिक क्लस्टरबाट ईश्वरी न्यौपानेले ३५४ मत प्राप्त गरी प्रतिनिधि बनेकी छन्। पेशागत विज्ञतर्फ तुलसीप्रसाद दंगालले २८२ मत पाएका छन्।
युवा महिलातर्फ पूर्णी तामाङ ४४७ मतसहित निर्वाचित भएकी छन्। समानुपातिक जनजाति खुलातर्फ श्यामबहादुर तामाङ ४२७, केशव श्रेष्ठ ४०३ र दुर्गाबहादुर तामाङ ३८८ मतसहित विजयी भएका छन्।
समग्र नतिजाअनुसार क्षेत्र नम्बर २ मा वंशलाल तामाङले ८११ मतसहित सबैभन्दा धेरै मत प्राप्त गरेका छन्। त्यसपछि आइतमान तामाङले ६९० र महिला क्लस्टरतर्फ यास्मिन ढुंगानाले ६५२ मत प्राप्त गरेका छन्।
क्लस्टरगत निर्वाचनमार्फत विभिन्न समुदाय, समूह र वर्गको प्रतिनिधित्व हुने गरी कांग्रेसको महाधिवेशनका लागि प्रतिनिधि चयन गरिएको हो।
१९ आश्विन २०८३, सोमबार ०९:४९
