नेपाली कांग्रेसको १५औँ महाधिवेशनअन्तर्गत मेलम्ची नगरपालिकाका सबै १३ वडामा वडा अधिवेशन सम्पन्न भएको छ। अधिवेशनबाट प्रत्येक वडामा सभापतिसहित वडा कार्यसमिति चयन गरिएको हो।

नेपाली कांग्रेस प्रतिनिधिसभा क्षेत्र नं. २ का क्षेत्रीय सभापति आइतमान तामाङका अनुसार १३ वटै वडामा पदाधिकारी तथा सदस्यहरू निर्वाचित भएका छन्।

निर्वाचित वडा सभापतिहरूको सूची यस्तो छः

• वडा नं. १ — देवी चौलागाईं
• वडा नं. २ — बुद्धि छिरिङ तामाङ
• वडा नं. ३ — श्याला लामा
• वडा नं. ४ — बुद्धिमान तामाङ
• वडा नं. ५ — मधुसुदन सिग्देल
• वडा नं. ६ — नोर्बु तामाङ
• वडा नं. ७ — दिप तामाङ
• वडा नं. ८ — विक्रम तामाङ
• वडा नं. ९ — नारायण खड्का
• वडा नं. १० — प्रल्हाद ढुङ्गेल
• वडा नं. ११ — शिवहरी दुलाल
• वडा नं. १२ — भीमसेन तिवारी
• वडा नं. १३ — सी.पी. दंगाल

वडा तहको नेतृत्व चयनसँगै अब मेलम्चीमा कांग्रेसको नगर अधिवेशनलगायत माथिल्ला तहका अधिवेशनको तयारी अघि बढ्ने भएको छ।

संशोधित निर्वाचन कार्यतालिकाअनुसार वडा अधिवेशनपछि गाउँ तथा नगर अधिवेशन, प्रदेशसभा क्षेत्रीय र प्रतिनिधिसभा क्षेत्रीय अधिवेशन हुँदै जिल्ला, प्रदेश र केन्द्रीय तहका अधिवेशन सम्पन्न गर्ने कार्यतालिका रहेको छ।