काठमाडौं । नेपाली कांग्रेसले केन्द्रीय कार्यसमितिका पदाधिकारी र सदस्यहरूको बैठक मंसिर ८ गतेका लागि तय गरेको छ।
पार्टीका कार्यवाहक मुख्य सचिव कृष्णप्रसाद दुलालले शुक्रबार जारी गरेको सूचनाअनुसार बैठक मंगलबार दिउँसो १ बजे बस्नेछ। बैठक ललितपुरस्थित कांग्रेसको केन्द्रीय कार्यालय बीपी स्मृति भवनमा आयोजना हुनेछ।
बैठकमा सहभागी हुन केन्द्रीय कार्यसमितिका सबै पदाधिकारी तथा सदस्यलाई पार्टीले आग्रह गरेको छ।
यद्यपि, बैठकमा छलफल हुने विषय र सम्भावित कार्यसूचीबारे सूचनामा केही खुलाइएको छैन।
५ मंसिर २०८३, शुक्रबार ०९:४०