– ईश्वरी प्रसाद तिमल्सिना

प्राकृतिक साँस्कृतिक सम्पदाको छटा,
संसारकै नमूना देश हाम्रै नेपाल यौटा ।

विकसित देशले गर्ने कार्वन उत्सर्जन अति,
जलवायू परिवर्तनको असर भोग्नु कति ।

भूकम्पको विपत्तीले सिकाएको छ पाठ,
सुरक्षित आवास निर्माण आजको परिपाठ ।

सुख्खायाममा लाग्ने गर्छ वनजंगलमा आगो,
पृथ्वीका जीवआत्माको लोप हुनै लाग्यो ।

कहिले बाढी कहिले पैरौ जोखिम छ अति,
चाडपर्व नजिकिदै शोक बोक्यौ कति ।

तीन तहका सरकारको रहेको छ संघीयता,
सहकार्य, समन्वय परस्परमा सामिप्यता ।

विपद् व्यवस्थापन तीनै तहको अधिकार सूची,
तर किन पूर्व तयारीमा रहेका छौ चुकी ।

दिगो विकास पन्ध्र वर्षे सत्र वटा लक्ष्य,
उपलब्धी हासिल गर्न जुटौं सर्वपक्ष ।

आवधिक योजनाले गरेको छ सोच तय,
सुशासन, समृद्धि र सामाजिक न्याय ।

विपद् जोखिम न्यूनीकरण बुझी भित्री मर्म,
सर्वपक्षीय संयन्त्रले थालौं हातेमालो गर्न ।

बलेफी गाउँपालिका –५, सिन्धुपाल्चोक