जनतापत्र, चौतारा ।
सिन्धुपाल्चोकका ५० बढी सामुदायिक वनमा अग्निरेखा निर्माण गरिएको छ । डिभिजन वन कार्यालय सँगको समन्वय तथा स्थानीयको श्रमदानमा अग्नि रेखा निर्माण गरिएको हो ।
हरेक सामुदायिक वनमा कम्तीमा २ किलोमिटर क्षेत्र सम्म कम्तीमा ४ मिटर सम्मको चौडाई राखेर अग्नी रेखा निर्माण गरिएको छ ।
पछिल्लो समय बनमा डढेलोको घटनाहरु बृद्धि भएसँगै सामुदायिक वनका पदाधिकारी र स्थानीयलाई डढेलो रोक्ने घटना अभ्यास र लाग्न नदिन अपनाउनुपर्ने विधि, पूर्व सूचनाबारे हरित स्वयंसेवक र सव–डिभिजन वन कार्यालयहरुले वन क्षेत्रमानै पुगेर प्रशिक्षण दिइरहेका छन् ।

उपभोक्ताहरुको जानकारी अनुसार, अग्नी रेखाले वनमा आगो लागि हाले पनि आगो नियन्त्रण गर्न सजिलो हुने बताइएको छ ।

स्थानीयले अग्निरेखा निर्माण र डढेलोमा अत्यावश्यक सामान तथा उपकरण संगै डढेलो निभाउने सिप जान्न पाएका छन् । अभियानमा स्थानीयलाई साथ दिन नेपाली सेना, सशस्त्र प्रहरी र नेपाल प्रहरी पनि सहभागी भईरहेका छन् ।