जनतापत्र, काठमाण्डौ । बाराको सिमरा विमानस्थल क्षेत्रमा एमाले कार्यकर्ता र जेन–जी समूहबीच भएको झडपपछि जिल्ला प्रशासन कार्यालय, बाराले कर्फ्यू आदेश जारी गरेको छ। स्थानीय प्रशासनले स्थिति संवेदनशील बन्न नदिन बुधबार दिउँसो १२:३० बजेदेखि राति ८ बजेसम्म कर्फ्यू लागू गरेको हो। जारी आदेशअनुसार गण्डक नहरदेखि पथलैया सडकखण्डको दायाँ–बायाँ ५०० मिटरभित्र तथा सिमरा विमानस्थल आसपास ५०० मिटर क्षेत्रमा कुनै पनि सभा, जुलुस, भेला, प्रदर्शन वा भीडभाडयुक्त कार्यक्रम पूर्ण रूपमा निषेध गरिएको छ। झडपपछि विमानस्थलको उडान सेवा पनि स्थगित गरिएको छ।

एमालेले आयोजना गरेको मधेस प्रदेशस्तरीय युवा भेलामा महासचिव शंकर पोखरेल र युवा इञ्चार्ज महेश बस्नेतलगायत नेताहरू सिमरा पुग्ने जानकारी पाएपछि जेन–जी समूहले विमानस्थलमै विरोध प्रदर्शन गरेको थियो। उनीहरू काठमाडौँबाट बुध एयरको १०:३५ को उडानमार्फत सिमरा जानुपर्ने तय थियो। विरोध तिब्र बन्दै गएपछि धावनमार्गतर्फ अगाडि बढेको बुद्ध एयरको विमान पार्किङतिर फर्कन बाध्य भएको थियो। प्रदर्शनकारीहरू रनवेमा पुगेपछि सुरक्षा जोखिम देखिएकाले उडान काठमाडौँमै रोकिएको विमानस्थल पक्षले जनाएको