जनतापत्र, चौतारा ।
सिन्धुपाल्चोकका आँखाका बिरामीको निःशुल्क उपचार गरिएको छ ।
बाह्रबिसे प्राथमिक स्वास्थ्य केन्द्रमा आयोजना भएको उक्त शिविरमा जिल्लाका विभिन्न बस्तीका १३ वर्षीया दृष्टिविहीनसहित १४ सय भन्दा बढी आँखाका बिरामीको निःशुल्क उपचार कार्य सम्पन्न भएको हो ।
शिविरद्धारा १३ देखि ९३ वर्ष उमेरका बिरामीको मोतियाबिन्दु तथा टेरिजिएमको शल्यक्रिया सम्पन्न भएको हो । आँखाको नानीमा ऐजेरुजस्तै मासु पलाउने समस्यालाई टेरिजिएम भनिन्छ ।
शिविरद्धारा भोटेकोशी गाउँपालिका–४ नारायणस्थानकी १३ वर्षीया रेविता थामी पनि लाभान्वित भएकी छिन् । उनको दुवै आँखामा रहेको मोतियाविन्दुको शल्यक्रिया सफलताका साथ सम्पन्न गरिएको छ ।
यता दशदिने शिविरमा बस्तीबस्तीमा पुगेर १४ सय जना आँखाका बिरामीको उपचार सम्पन्न भएको छ ।
उक्त शिविर इन्द्रावती समाजको आयोजना तथा बीपी कोइराला लायन्स नेत्र अध्ययन केन्द्र शिक्षण अस्पताल महाराजगन्जको प्राविधिक सहयोगमा सञ्चालन भएको दशदिने शिविरमा सम्पन्न भएको थियो ।
शल्यक्रिया गर्ने बिरामीलाई बाह्रबिसे शिविरमा ल्याइएर
अन्य बिरामीलाई स्थानीय गाउँमा भेला लगाएर उपचार सम्पन्न गरिएको हो ।
शल्यक्रिया गर्नु अघि जिल्लाको लिसंखु पाखर र भोटेकोशी गाउँपालिका तथा बाह्रबिसे नगरपालिकाका बस्तीमा आँखामा चिकित्सकले बिरामी जाँच गरिएको आयोजक समाजका अध्यक्ष भुपेन्द्र थापाले जानकारी दिनुभयो ।
उपचारका क्रममा मोतियाविन्दु तथा आँखाको न
ानीमा मासु पलाउने(टेरिजिएम) का बिरामी स्क्रिनिङ गरेर बाह्रबिसेको शिविरमा ल्याइएको थियो । थापाले दिएको जानकारी अनुसार जिल्लाको सिलढुंगा, डाँडाकटेरी, चाकु, नारायणस्थान, दुगुना, लिस्ती, सेबुङ, घिप्
चे, घुमथाङ तातोपानी, मानेश्वाँरालगायतका बस्तीमा स्थानीय भेला गराएर सामान्य आँखा जाँच, उपचार तथा औषधि वितरण गरिएको गरिएको हो ।