जनतापत्र, सिन्धुपाल्चोक ।
जिल्ला समन्वय समितिको कार्यालय, चौताराले आयोजना गरेको आर्थिक वर्ष २०८१र८२ को वार्षिक समीक्षा तथा स्थानीय तहको असल अभ्याससम्बन्धी अनुभव आदान–प्रदान गोष्ठी आजबाट चौतारा साँगाचोकगढीमा सुरु भएको छ । दुई दिनसम्म चल्ने यो विशेष कार्यक्रमको उद्घाटन सिन्धुपाल्चोक क्षेत्र नं। १ का माननीय सांसद माधव सापकोटा (सुबोध) ले गर्नुभयो । सो अवसरमा चौतारा साँगाचोकगढी नगरपालिकाका प्रमुख कृष्णप्रसाद सापकोटा विशेष अतिथि रहनुभयो । गोष्ठीमा प्रदेश र स्थानीय तहका विभिन्न तहका जनप्रतिनिधि, सरकारी अधिकारी, विज्ञ तथा सरोकारवालाको उपस्थिति उल्लेख्य रहेको छ । विशेष गरी वरिष्ठ व्यक्तित्व बालकृष्ण बस्नेत, झम्का नेपाललगायतका सम्मानित अतिथिहरू समेत कार्यक्रममा उपस्थित भई शुभकामना मन्तव्य दिनुभएको छ । उद्घाटन सत्रमा वक्ताहरूले स्थानीय तहले विगत वर्षमा गरेको काम, सफल अभ्यास, आगामी वर्षमा सुधार गर्नुपर्ने पक्ष तथा स्थानीय शासनलाई अझै प्रभावकारी बनाउनुपर्ने आवश्यकता औंल्याए । साथै, जिल्ला समन्वय समितिको सक्रियताले जिल्लाभरका विकास योजना, समन्वय र साझेदारीलाई सहज बनाउन महत्वपूर्ण भूमिका खेलिरहेको पनि उल्लेख गरिएको छ । कार्यक्रममा सहभागी जनप्रतिनिधि र स्थानीय तहका प्रतिनिधिहरूले आ–आफ्नो अनुभव प्रस्तुत गर्ने र एकअर्काबाट सिक्दै आगामी दिनमा प्रभावकारी योजनासहित अघि बढ्ने लक्ष्य राखिएको छ ।
गोष्ठी भदौ १६ गतेसम्म निरन्तर चल्नेछ भने त्यस क्रममा वार्षिक कार्यक्रमको मूल्यांकन, आगामी वर्षको कार्ययोजना, स्थानीय तहका नवीन अभ्यास तथा चुनौतीका विषयमा विस्तृत छलफल हुने आयोजकले जनाएको छ ।