जनतापत्र,चौतारा ।
नेपाली कांग्रेसको तामाङ संघ सिन्धुपाल्चोकको अध्यक्षमा क्षेत्रबहादुर तामाङ चयन हुनु भएको छ । बिहीवार सदरमुकाम चौतारास्थीत कांग्रेसको पार्टी कार्यालयमा भएको प्रथम भेलाले क्षेत्रबहादुरको अध्यक्षतामा कार्यसमिति चयन गरीएको हो ।
कार्यसमितिको उपाध्यक्षमा वीरबहादुर तामाङ पाख्रीन ,वीर बहादुर स्याङतान, सचिवमा विक्रमबहादुर तामाङ, कोषाध्यक्षमा शेरबहादुर तामाङ चयन हुनु भएको छ ।
सह–सचिवमा लाक्पासागर लामा र तेजबहादुर तामाङ चयन हुनु भएको छ भने सदस्यहरुमा निरज लामा, जमुना तामाङ, कामना तामाङ, पदम ब तामाङ ,रेशम बहादुर तामाङ, सुमित्रा तामाङ,सन्तोष तामाङ, सचिन तामाङ, राजु तामाङ,सुकुमाया तामाङ,सर्वसम्मत चयन भएको छ ।
सोही कार्यक्रमलाई सम्बोधन गर्दै सिन्धुपाल्चोकका कांग्रेस सभापति जंगबहादुर लामाले केन्द्रमा तामाङ संघ जन्मेको १८ वर्षपछि बल्ल जिल्ला भेला भएकोले ऐतिहासिक दिन भएको समेत बताउनु भएको छ ।
नेपाली कांगे्रसका महासमिति सदस्य एवम् इन्द्रावती गाउँपालिकाका पूर्वअध्यक्ष बंशलाल तामाङले देश विकासमा तामाङ हरुको ठूलो भूमिका रहेको हुनाले सबै जातजाति संवैधानिक अधिकार प्राप्त गर्न संगठनमा आवद्ध हुन अनुेध समेत गर्नु भएको छ ।