जनतापत्र,चौतारा ।
सिन्धुपाल्चोक जिल्लाको चौतारामा अस्पतालको आयोजनामा साँगाचोकस्थित छिमी टाशि छिलिङ गुम्बाको प्राङगनमा निशुल्क स्वास्थ्य शिविर भएको छ । सोही शिविरमा ६ सय भन्दा बढि स्थानियहरुले सेवा लिएका छन ।
इयोहो काभ्रे तामाङ गुठी र चौतारा साँगाचोक गढी नगरपालिका —११ ले शिविरको ब्यवस्थापन गरेको थियो । सिन्धुपाल्चोकको प्रादेशिक अस्पताल चौताराका निमित्त मेडिकल सुपरिटेन्डेन्ट डाक्टर रुद्ध्रमणि भण्डारीका अनुसार शिविरमा बाल रोग सम्बन्धि सेवा, सामान्य चिकित्सक हाड जोर्नी तथा नशा रोग सम्बन्धि सेवा, आँखा परिक्षण, दन्त परिक्षण , प्र्रजन तथा स्त्री रोग सम्बन्धि सेवा, प्रदान गरिएको थियो ।
नागरिकहरुलाई घरदैलोमा सेवा पुर्याउने तथा स्क्रिनिङको रुपमा स्थानिय गुठीको सहकार्यमा शिविर गरिएको डा. भण्डारीले बताउनु भएको थियो ।
शिविरमा जेष्ठ नागरिक, बालबालिका, महिला तथा पुरुषको उल्लेख्य सहभागिता रहेको थियो । गाउँमा नै स्वास्थ्य सेवा पाएकोमा स्थानियलाई सहज भएको गुम्बाका अध्यक्ष दिनेश लामाले बताउनु भएको छ ।