जनतापत्र, बाह्रबिसे सिन्धुपाल्चोक ।
अख्तियार दुरुपयोग अनुसन्धान आयोगको टोलीले आज बाह्रबिसे नगरपालिकामा छापा मारेको छ। नगरपालिकामा अनियमितता भएको भन्ने उजुरी र गुनासोपछि अख्तियारको विशेष टोलीले कार्यालयमा पुगेर आवश्यक कागजातहरू नियन्त्रणमा लिएको हो। सूत्रका अनुसार नगरपालिकाले भोटेकोशी जलविद्युत् आयोजनाबाट अस्पताल निर्माणका लागि ५ करोड रुपैयाँ लिएको थियो। तर सो रकम लक्षित उद्देश्यका लागि नखर्चिएको र केही हिस्सा हिनामिना भएको आशङ्कामा अनुसन्धान अघि बढाइएको हो। छापा मार्ने क्रममा अख्तियार टोलीले करिब २० लाख रुपैयाँको लेखाजोखा फेला पारेको र बाँकी रकमबारे स्पष्ट विवरण नपाइएको बताइएको छ।