जनतापत्र,चौतारा ।
सिन्धुपाल्चोक जिल्लाको सदरमुकाम चौतारामा तिन दिने योग शिविर सम्पन्न विहिबार भएको छ ।
चौतारा साँगाचोकगढी नगरपालिकाकी उपप्रमुख सीता थापाको प्रमुख आतिथ्यतामा बिहीबार शिविर सम्पन्न भएको हो । उपप्रमुख सीता थापाले योगको महत्व र आवश्यकता बढ्दै गएकोले नगरले पनि योग साधनालाई व्यवस्थित गर्न लगानीको सुरुवात गरेको जानकारी दिनुभएको थियो ।
योग शिविरमा गुरु ग्रुबेन तौजल्याले योगको महत्व बारे वर्णन गर्नुभएको थियो ।
योग शिविरमा भारतीय पुज्य साब्धि देवादितीले ३ दिनसम्म योग साधनाको प्रशिक्षण कार्यक्रममको अन्तिम दिन सिन्धुपाल्चोकका प्रमुख जिल्ला अधिकारी किरण थापा, अनुसन्धान प्रमुख एसपी राजन प्रजापती लगायत सरकारी गैरसरकारी कर्मचारीहरुको उपस्थिति रहनु भएको थियो ।
बाह्रबीसे, मेलम्ची र साँगाचोकका साधकसाधिकाहरुको बाक्लो उपस्थिती रहेको कार्यक्रममा गुरु किरणमान श्रेष्ठलाई सम्मान गरिएको समेत थियो ।
सिन्धुपाल्चोक जिल्ला चौतारा साधन केन्द्रको बार्षिकोत्सवको आवसरमा आयोजित कार्यक्रमको सञ्चालन केन्द्रका सचिव गुणकेशरीले श्रेष्ठले गर्नुभएको थियो ।