जनतापत्र, सिन्धुपाल्चोक ।

सार्वजनिक यातायातमा पकेटमार चोरी अन्त्य गर्न मजदुर स्वंय सक्रिय भएका छन् । प्रहरी कार्यालय प्रमुख प्रहरी अतिरिक्त महानिरीक्षक किरण बज्राचार्य र उपत्यका ट्राफिक प्रहरी प्रमुख प्रहरी नायब महानिरिक्षक भरत बोहोरा तिनवटा मजदुर संगठनहरु अखिल नेपाल यातायात मजदुर संघ, नेपाल यातायात स्वतन्त्र मजदुर संगठन र नेपाल यातायात मजदुर संघ सहित नेपाल यातायात ब्यवसायी महासंघको तर्फबाट अन्र्तकृया कार्यक्रम सम्पन्न भएको हो ।
संघ संगठनका केन्द्रिय अध्यक्ष तथा पदाधिकारीहरु सम्मीलित बैठकमा दुबै कार्यलय प्रमुखहरुलाई सुझाव सहित बधाई र सुभकामना दिदै , उपत्यकाभित्र सार्वजनिक यातायात संचालनमा देखिएका चुनौतीहरु, यातायात श्रमिक तथा ब्यबसायीले भोग्नुपरेका समस्याहरु, शान्ति सुरक्षा, ट्राफिक ब्यबस्थापन लगायत सवारी दुर्घटना न्यूनीकरण, आईरहेको चाडपर्वहरुमा यातायातको सहज ब्यबस्थापन सम्बन्धी गम्भीर छलफल भएको थिया । सवारी चलाउदा मापसे लापसे गरेर सबारि चलाउन निरुत्साहित गर्ने र २४ घण्टा चेकिङ्ग गर्ने, सेवनकर्ता चालकलाई कडा कार्बाहि गर्ने, टिकट लिएर मात्र यात्रा गर्ने,यातायात मजदुर ब्यबसायी र ट्राफिक प्रहरी सम्मिलित संयन्त्र बनाई प्रशिक्षणको ब्यबस्था गर्ने । यात्रा को क्रममा चालक माथि हुने दुव्र्यवहारको अन्त्य साना मझौला र ठुला ढुवानीका साधनहरुलाई पार्किङ्ग्को ब्यबस्था गर्ने सार्वजनिक यात्रु सवारीहरुमा चोरी पकेटमारी कार्य नियन्त्रण गर्ने समेत छलफल भएको थियो ।

छलफलका बिषयहरु
१)साना मझौला यात्रुबाहक सवारी तथा ठुला मध्यम तथा लामो दुरिको यात्रुबाहक सवारीहरुलाई उपत्यका भित्र पिक एन्ड ड्रप तथा पार्किङ्ग निर्धारण ।
१,उपत्यका, जिल्ला, इलाका स्तरिय सरोकारवाला सम्मिलित संयन्त्र निर्माण गरी यात्रु मैत्री व्यवहार, दुर्घटना न्यूनीकरण, मर्यादित सुरक्षीत श्रम सम्बन्धी सरोकारवाला सम्मिलित अन्र्तकृया, अन्तरसंवाद, साक्षात्कार,प्रशिक्षण कार्यक्रम संचालन गर्ने ।
३,चाडपर्व लक्षित कार्यक्रम गर्ने,
४,प्रयोजना बिपरित राईड सियरिङ्ग सवारीलाई नियमन गर्ने
५) भारतीय ठुला सवारीलाई रात्रिकालिन समयमा मात्र संचालन गराउने
६) सवारी साधनहरुलाई जरिवाना गर्ने भन्दा गल्ती नै नगर्ने बनाउने
७) सार्वजनिक यातायातका साधनहरुमा चोरी, पकेटमारी,नियन्त्रण गर्ने यात्रु मैत्री सुरक्षीत यातायात सेवा सन्चालन गर्ने
८) बसपार्क, बुकिङ्ग काउन्टरहरु,पार्किङ्ग लगायत नाकाहरुमा सुरक्षा ब्यबस्था बढाउने
९) गैर कानुनी राईड सेवालाई नियमन गर्ने
१०) सवारी दुर्घटनाको सत्यतथ्य र यथार्थलाई मनन् गर्ने
११) हिरासतमा रहेका सवारी दुर्घटनामा यातायात श्रमिकहरुलाई सहज भेटघाटको ब्यबस्था
१२) लागु पदार्थ तथा मादक पदार्थ सेवन र बिक्रीवितरणमा कडाई गर्ने
१३) नागरिक प्रहरी साझेदारीलाई यातायात श्रमिक प्रहरी साझेदारी कार्यक्रम संचालन गर्ने शान्ती सुरक्षा , दुर्घटना न्यूनीकरण , तनाव ब्यबस्थापन, चोरी, पकेटमारी अन्त्य सम्बन्धि प्रशिक्षण गर्ने
१४) डिजिटल प्रणालिको यातायात सि सि क्यामेरा जि पि एस जडान र डिजिटल प्रणालि तथा स्मार्ट ट्राफिक ब्यबस्थापन गर्ने
१५) सवारी दुर्घटनालाई अपराधको रुपमा चित्रण गरि प्रहरी रिपोर्ट उपलब्ध हुँदा सवारी दुर्घटनालाई प्रहरी रिपोर्टमा अपराध मान्न नहुने ।
सार्वजनिक यातायात मर्यादित सुरक्षीत ब्यबस्थित भरपर्दो गुणस्तरीय बनाउन सरोकारवाला पक्षहरु सहमत भएको र परिणाम पनि छिट्टै देखिने कुरा अखिल नेपाल यातायात मजदुर संघका अध्यक्ष दिपक के.सी. ले बताएका छन् ।