जनतापत्र,सिन्धुपाल्चोक ।
संयुक्त राष्ट्रसंघले घोषणा गरेको सडक दुर्घटनाका पीडितहरूको विश्व सम्झना दिवस (World Day of Remembrance for Road Traffic Victims – WDR) यस वर्ष चौतारामा पनि विविध कार्यक्रमसहित मनाइएको छ। सुरक्षित र दिगो यात्रा नेपाल ९क्क्त्ल्० को सहकार्य तथा जिल्ला ट्राफिक प्रहरी कार्यालय खाडिचौर, सिन्धुपाल्चोकको आयोजनामा भएको कार्यक्रममा प्रमुख जिल्ला अधिकारी बन्धु प्रसाद बास्तोला प्रमुख अतिथि रहेका थिए। कार्यक्रममा जिल्ला प्रहरी प्रमुख, प्रहरी उपरीक्षक रामेश्वर कार्कीले स्वागत गर्दै सडक दुर्घटनाका तथ्यांक प्रस्तुत गर्नु भएको छ । उहाँका अनुसार आ।व। २०८१र८२ मा देशभर २८ हजार ६९२ दुर्घटना भएका छन्। तीमध्ये २ हजार ५४९ जनाले ज्यान गुमाएका छन् भने ६ हजार ९७६ जना गम्भीर तथा २७ हजारभन्दा बढी सामान्य घाइते भएका छन्। कार्कीले बालबालिका र युवामाथि बढी जोखिम देखिएको र सडक सुरक्षा अब ढिलाइ गर्न नहुने विषयमा जोड दिनु भएको हो । प्रमुख अतिथि बास्तोलाले राज्य सडक सुरक्षामा गम्भीर रहेको बताउँदै व्यक्ति स्वयंले पनि ट्राफिक नियम पालनामा अनुशासित हुनुपर्नेमा जोड दिए। दुर्घटना रोकथाम सबैको साझा जिम्मेवारी भएको उल्लेख गर्दै उनले ज्यान गुमाएकाप्रति श्रद्धाञ्जली अर्पण तथा घाइतेहरूको शीघ्र स्वास्थ्य लाभको कामना व्यक्त गरेका छन । कार्यक्रम दीप प्रज्वलनसहित सम्पन्न भएको थियो। सञ्चालन जिल्ला ट्राफिक प्रहरी कार्यालय सिन्धुपाल्चोकका प्रमुख, प्रहरी वरिष्ठ नायव निरीक्षक विष्णु थापाले गरेका थिए।