जनतापत्र, सिन्धुपाल्चोक ।
शिक्षक हित बचत तथा ऋण सहकारी संस्थाको ११औँ वार्षिक साधारण सभा शनिबार सम्पन्न भएको छ। कार्यक्रम संस्थाका पूर्व अध्यक्ष तथा सल्लाहकार समितिका संयोजक कृष्णप्रसाद सुवेदीको प्रमुख आतिथ्यमा सम्पन्न भएको हो। साधारण सभामा संस्थाका सचिव विदुर प्रसाद नेपालले वार्षिक प्रगति प्रतिवेदन, कोषाध्यक्ष शंकर प्रसाद चापागाईंले आर्थिक प्रतिवेदन र लेखा सुपरीवेक्षण समिति संयोजक अजिता थापाले सुपरीवेक्षण प्रतिवेदन प्रस्तुत गर्नुभएको थियो। संस्थाका अध्यक्ष राजेन्द्र कुमार श्रेष्ठको अध्यक्षतामा सम्पन्न कार्यक्रममा आर्थिक वर्ष २०८२र०८३ का लागि कार्ययोजना प्रस्तुत गर्नुका साथै सहकारीको वेबसाइट पनि सार्वजनिक गरिएको छ। शिक्षकहरूले सञ्चालन गरेको यस जिल्लास्तरीय सहकारीमा हाल ६६४ जना शेयर सदस्य रहेका छन्। अध्यक्ष श्रेष्ठका अनुसार सहकारीले शिक्षक वर्गको आर्थिक सशक्तीकरण र सहकारी क्षेत्रको पारदर्शिता अभिवृद्धिलाई प्राथमिकताका साथ अघि बढाउने प्रतिबद्धता जनाएको छ।