आइसिँ तामाङ । काठमाडौँ

शिक्षक आन्दोलनमा सहभागी हुन गएका कार्यालय सहयोगीलाई आइताबार शिक्षकहरूले नै कुटपिट गरेका छन् । ‘घुसपैठ’ गरेको आरोपमा बिजुलीबजार स्थित पुल नजिकै आन्दोलनरत शिक्षकहरूले पेम्बु नुर्बु तामाङलाई कपडा समेत च्यातेर कुटपिट गरेका छन । पेम्बु नुर्बु तामाङ भने सिन्धुपाल्चोक जिल्लाको जुगल गाउँपालिका वडा नम्बर–३ मा रहेको श्री बोल्दे आधारभूत विद्यालयका कार्यालय सहयोगीको रुपमा काम गर्दै आइरहेको छ ।
तामाङले आक्रमणमा परेपछि सिन्धुपाल्चोकको जिल्लाको जुगलमा रहेको बोल्दे आधारभूत विद्यालयमा काम गर्दै आइरहेको बताएका छन ।
शिक्षकहरूको आन्दोलन भनेर प्रदर्शनमा सहभागी हुन जाँदा तामाङ आक्रमणको शिकार बन्न पुगेको बताएका छन । आक्रमणका क्रम्मा प्रहरीले उनलाई उद्धार गरी प्रहरी वृत्त नयाँ बानेश्वरमा पठाइएको जिल्ला प्रहरी परिसर काठमाडौँका एक जना अधिकृतले बताएका छन ।
तामाङको मुख र कानमा चोट लागेको छ भने लगाएकोे कपडा समेत शिक्षकहरुले नै च्यातिदिएका छन् ।