आइसिँ तामाङ चौतारा सिन्धुपाल्चोक ।
जनस्वास्थ्यको सुदृढीकरण तथा व्यक्तिगत स्वास्थ्य सचेतना अभिवृद्धिका लागि विश्व रक्तदाता दिवसको अवसरमा चौतारामा रक्त समूह परीक्षण कार्यक्रम सम्पन्न भएको छ। कार्यक्रम जनस्वास्थ्य कार्यालय सिन्धुपाल्चोकको आर्थिक सहयोगमा, नेपाल रेडक्रस सोसाइटी (ने.रे.सो.) चौतारा रक्तसंचार सेवा केन्द्रको समन्वयमा तथा ब्लड डोनर्स एशोसिएसन नेपाल (ब्लोडान) सिन्धुपाल्चोकको आयोजनामा सम्पन्न भएको हो।
श्रीकृष्ण मन्दिर परिसर, चौतारा, पुरानो बजारमा शनिबार सञ्चालन गरिएको उक्त कार्यक्रममा ६९ जना विभिन्न उमेर समूहका व्यक्तिहरूले रक्त समूह परीक्षण गराएका छन्।
रक्त समूहको पहिचान स्वास्थ्य सुरक्षाका दृष्टिकोणले महत्वपूर्ण हुने भएकाले यस्ता कार्यक्रमले जनस्वास्थ्यमा सकारात्मक प्रभाव पार्ने अपेक्षा गरिएको छ।
कार्यक्रममा ब्लोडान सिन्धुपाल्चोकका अध्यक्ष सुरेश कसजुले रक्त समूहको जानकारीले आफैं मात्र नभई समाजभर स्वास्थ्यप्रति चेतना फैलाउन मद्दत पु¥याउने बताउनु भएको छ । उहाँले यस्ता कार्यक्रमहरूलाई निरन्तरता दिन समुदायको सक्रिय सहभागिता आवश्यक रहेको समेत उल्लेख गरेका छन्।