आइसिँ तामाङ, मेलम्ची–सिन्धुपाल्चोक
सिन्धुपाल्चोकको मेलम्ची नगरपालिका अन्तर्गतका वडा नं। १, २, ३ र ४ का अध्यक्षहरूले विहिबार संयुक्तरूपमा मिलेर मिलेनियम च्यालेन्ज एकाउन्ट ९एमसिए० नेपालका कार्यकारी निर्देशकसँग भेट गरी विद्युत प्रसारण आयोजनाबाट उत्पन्न समस्याबारे गम्भीर ध्यानाकर्षण गराएका छन्।स्थानीय सरकारका प्रतिनिधिहरूले एमसिए नेपालद्वारा निर्माणाधीन ४०० केभी क्षमताको विद्युत प्रसारण लाइनका कारण ती वडाका नागरिकहरू प्रत्यक्ष रूपमा प्रभावित हुने भन्दै, प्रभावित समुदायका हक, हित र क्षतिपूर्तिको सुनिश्चिततासहित लिखित ध्यानाकर्षण पत्र बुझाएका हुन्। मुख्य माग र सरोकारहरू
भेटवार्ताका क्रममा वडा अध्यक्षहरूले निम्न मुख्य बुँदाहरूमा विशेष जोड दिएका थिए । प्रभावित व्यक्तिहरूको क्षतिपूर्ति र मुआब्जा सुनिश्चितता
आयोजनाले प्रभावित बनाएका नागरिकहरूको भौतिक र आर्थिक क्षतिको न्यायपूर्ण मूल्याङ्कन गरी क्षतिपूर्ति उपलब्ध गराउनुपर्ने माग राखिएको छ।
हाल प्रसारण लाइन अन्तर्गत ४६ मिटर चौडाइसम्मलाई मात्र प्रभाव क्षेत्र मानेर नापतौल गरिएको छ, तर नजिकका बस्ती, विद्यालय र सामुदायिक संरचना पनि जोखिममा परेकाले ती क्षेत्रलाई पनि लाभग्राही सूचिमा समेट्न माग गरिएको छ।तारमुनि पर्ने जग्गाको क्षतिपूर्ति,विद्युत प्रसारण लाइनको सिधा तारमुनि पर्ने जग्गा प्रयोगमा आए तापनि त्यसको क्षतिपूर्ति सुनिश्चित गरिएको छैन, त्यसतर्फ ध्यान दिन आग्रह गरिएको छ। स्थानीय पूर्वाधार विकासमा सहभागिता आयोजनाले स्थानीयस्तरमा सडक निर्माण, कृषि कोल्ड स्टोर जस्ता पूर्वाधार विकासमा सहयोग पुर्‍याउनु पर्ने माग गरिएको छ। स्थानीय रोजगार र आयआर्जनको सुनिश्चितता,आयोजना कार्यान्वयनको क्रममा स्थानीय जनशक्ति प्रयोग गर्नुपर्ने, विशेष गरी युवा, महिला र सीमान्तकृत समुदायलाई रोजगारी दिने व्यवस्था मिलाउन जोड दिइएको छ। ’उज्यालो कार्यक्रम’ अन्तर्गत वडा १ देखि ४ सम्म सडक बत्तीको व्यवस्था,विद्युत पहुँच विस्तारसँगै उज्यालो मेलम्चीका रूपमा सडक बत्ती जडान गर्दै विद्युत समस्याको दीर्घकालीन समाधानको माग उठाइएको छ। छलफल सकारात्मक, सहकार्यको वातावरण,वडा नं। १ का अध्यक्ष कृष्णमुरारी चौलागाईंका अनुसार छलफल सकारात्मक भएको र एमसिए नेपालले स्थानीय सरोकारलाई ध्यानमा राख्दै अगाडि बढ्ने प्रतिबद्धता जनाएको छ।
उक्त ध्यानाकर्षण कार्यक्रममा वडा नं। १, २, ३ र ४ का अध्यक्षहरूको संयुक्त सहभागिता थियो। स्थानीय सरोकारका विषयमा वडाहरूको एकता र समन्वयले जनताप्रति जिम्मेवार लोकतान्त्रिक अभ्यासको उदाहरण प्रस्तुत गरेको भन्दै स्थानीयबासीहरूबाट सराहना गरिएको छ।