जनतापत्र,सिन्धुपाल्चोक ।
नेपाल–चीनबीचको सीमास्थित ल्हेन्दे खोलामा निर्माणाधीन मितेरी पुल ९बेलिब्रिज० पुनर्निर्माणको काम अन्तिम चरणमा पुगेको छ। चीन सरकारको आर्थिक तथा प्राविधिक सहयोगमा निर्माण भइरहेको उक्त बेलिब्रिजका लागि आवश्यक पार्टपुर्जा जडान र पिलर ठड्याउने काम पूरा भएको छ। गत असार २४ गते आएको बाढीले पक्की मोटोरेबल पुल बगाएपछि चीनले पुनर्निर्माणमा सहयोग गरेको हो। वारी–पारी भाग जडानका क्रममा पुलको बीच भाग लच्किएपछि चिनियाँ प्राविधिक टोलीले खोलाको माझमा थप एउटा पिलर निर्माण गर्न थालेको बताइएको छ, जसले पुललाई अझ बलियो बनाउने लक्ष्य लिएको छ। प्रमुख जिल्ला अधिकारी राजेश पन्थीका अनुसार निर्माण कार्यको तीव्र गतिलाई हेर्दा यही कात्तिक १५ गतेसम्म पुल सञ्चालनमा आउने सम्भावना देखिएको छ। उहाँले सीमाक्षेत्रका चिनियाँ समकक्षीहरूले भने आधिकारिक रूपमा सञ्चालन मिति बारे जानकारी नदिएको बताएका छन । व्यवसायीहरूले पुलको पुनर्निर्माणले दुवै देशबीचको व्यापार–व्यवसाय सहज हुने विश्वास व्यक्त गरेका छन्। प्रमुख भन्सार अधिकृत तुलसीप्रसाद भट्टराईका अनुसार पुल सञ्चालनमा आएपछि मालसामानको आवागमन पुनः सुरु हुने भएकाले भन्सार कार्यालयले छिटोछरितो प्रक्रिया सुनिश्चित गर्न तयारी पूरा गरेको छ।