जनतापत्र,लिसंखुपाखर
जनस्वास्थ्य कार्यलय सिन्धुपाल्चोकको आयोजना तथा लिसंखुपाखर गाउपालिकाको समन्वय र सहकार्यमा एकिकृत प्रजनन् स्वास्थ्य रुग्णता स्क्रिनिङ तथा ब्यबस्थापन सम्बन्धि निशुल्क स्वास्थ्य शिबिर लिसंखुपाखर गाउपालिका वडा नं ७ स्थित डाँडापाखर स्वास्थ्य चौकीमा बिहिबार सम्पन्न भएको छ ।
उक्त शिबिरमा २५५ जना महिलाहरुले सेवा लिएका छन् । पाठेघरको मुखको क्यान्सरको जाँच गरेका २५५ जना महिलाहरु मध्ये १२ जनामा पाठेघरको मुखको क्यान्सर पोजिटिभ देखिएको जनस्वास्थ्य कार्यालय सिन्धुपाल्चोकले जानकारी गराएको छ ।
महिलाहरुमा हुने स्तन क्यान्सर परिक्षण, किशोरकिशोरी यौन तथा प्रजनन स्वास्थ्य सम्बन्धि परामर्श सेवा , स्वास्थ्य शिक्षा तथा ब्यबहर परिवर्तन ,निदान, उपचार परामर्श तथा प्रेषण सेवा, प्रजनन उमेर समुहका महिलाहरुको स्त्री तथा प्रसुती रोग सम्बन्धि चेकजाँच तथा स्वास्थ्य परिक्षण , उपचार परामर्श र प्रेषण सेवा , अल्ट्रासाउन्ड फिस्टुला महिलाहरुमा दिशा पिसाब चुहिने समस्या परिक्षण र परामर्श सेवा , परिवार नियोजन परामर्श , यौनजन्य रोग परिक्षण उपचार परामर्श तथा प्रेषण सेवा ,सुचना सञ्चार सम्बन्धि सेवा दिएका थिए ।