जनतापत्र,काठमाडौँ, ।

राष्ट्रिय स्वतन्त्र पार्टी (रास्वपा)का सभापति रवि लामिछाने आज ललितपुरस्थित नक्खु कारागारबाट रिहा भएका छन्। कारागार प्रमुख सत्यराज जोशीका अनुसार ठूलो सङ्ख्यामा प्रदर्शनकारी कारागार परिसरमा भेला भएपछि अवस्था थप बिग्रन सक्ने देखिएपछि प्रशासनले लामिछानेलाई रिहा गरेको हो। सुरक्षाकर्मीहरू व्यापक रूपमा परिचालन गरिए पनि भीड नियन्त्रणमा कठिनाई भएपछि यस्तो कदम चालिएको बताइएको छ। लामिछानेमाथि सहकारी ठगीसम्बन्धी अभियोग लगाइएको थियो। सो मुद्दामा अनुसन्धान चलिरहेका कारण उनी पछिल्ला दिनमा नक्खु कारागारमा थुनामा रहेका थिए। तर, उनको रिहाइको माग गर्दै समर्थकहरूले निरन्तर दबाब दिइरहेका थिए।
रिहाइसँगै लामिछानेलाई कारागार बाहिरैबाट समर्थकहरूले स्वागत गरेका छन्। नाराबाजी र खुशी व्यक्त गर्ने क्रममा वातावरण केही समय तनावपूर्ण बनेको थियो। त्यसपछि सुरक्षाकर्मीले भिडलाई विसर्जन गर्न प्रयास गरे पनि ठूलो संख्यामा समर्थकहरूको उपस्थिति रहेको छ।