जनतापत्र, चौतारा ।
चौतारामा क्लबस्तरीय राष्ट्रिय भलिबल प्रतियोगिता हुने भएको छ ।
तोप २१ क्लबको आयोजनामा सिन्धुपाल्चोकको चौतारामा क्लबस्तरीय राष्ट्रिय भलिबल प्रतियोगिता हुन लागेको हो ।
चैत १५ देखि २० गतेसम्म हुने प्रतियोगिता चौतारा साँगाचोकगढी नगरपालिका–५ टुडिखेल मैदानमा हुन लागेको हो ।
प्रतियोगितामा सहभागिताका लागि चैत १० गतेसम्म टिम दर्ता गर्न सकिने छ ।

नेपाल भलिबल संघ, जिल्ला भलिबल संघ सिन्धुपाल्चोक र जिल्ला खेलकुद विकास समितिको प्रविधिक सहयोग रहने प्रतियोगिताको शीर्ष तीनले क्रमशः ३ लाख, १ लाख ५० हजार र ७५ हजार रुपैयाँ , ट्रफी, मेडल र प्रमाण पत्र प्राप्त गर्नेछन् ।