जनतापत्र, सुकुटे ।

राष्ट्रियस्तरको ‘बिच’ भलिबल प्रतियोगिता सुकुटेमा हुने भएको छ ।
सिन्धुपाल्चोक जिल्लाको चर्चित पर्यटकीय स्थल सुकुटेमा पहिलो पटक उक्त भलिबल प्रतियोगिता हुन लागेको हो ।

चौतारा साँगाचोकगढी नगरपालिकाको
सुकुटे करिडोरमा यो प्रतियोगिता देशकै पहिलो ‘बिच’ भलिबल प्रतियोगिता हुने आयोजकले बताएको छ ।
प्रतियोगिता माघ १ देखि ५ गतेसम्म सञ्चालन हुने छ ।
सातवटै प्रदेश र थप तीन टोली गरी १० टोलीले सहभागिता जनाउने अपेक्षा गरिएको प्रतियोगितामा पुरुष र महिलातर्फ फरक–फरक खेल हुनेछ ।

विजेता टोलीहरूले विश्व ‘बिच’ भलिबल प्रतियोगितामा नेपालको प्रतिनिधित्व गर्ने प्रतियोगिताका संयोजक एवं सुकुटे बिचका सञ्चालक महेन्द्र सिंह थापाले जानकारी दिए ।