जनतापत्र, चौतारा ।
राजावादीहरुले गरेको आगजनिबाट मृत्यु भएका सञ्चारकर्मी सुरेश रजकप्रति नेपाल पत्रकार महासंघ सिन्धुपल्चोक शाखाद्धारा प श्रद्धान्जली अर्पण गरिएको छ । सहकर्मीको मृत्यु र सञ्चारमाध्यमाथि भएको तोडफोड घट्नाको बिरोध गर्दै सिन्धुपाल्चोकका पत्रकारहरुले मृतक रजकको तस्
िबरमा अविर र पुष्प गुच्छा चढाएर श्रद्धाञ्जली अर्पण गरेका हुन् ।

पत्रकारहरुले टाउको र हातमा कालोपट्टी बाँधेका थिए ।
मृत्युको घटना स्वभाबिक नभएको भन्दै शाखाका अध्यक्ष दंगालले खेद प्रकट गर्नुभयो ।
उहाँले उक्त घटनाको सत्य तथ्य छानबिन गरी दोषीलाई कडाभन्दा कडा कारबाही गर्न सरकार र सम्बद्ध पक्षसँग माग गर्दै गणतन्त्र आम नागरिक समाज र गणतन्त्रवादीहरूले लडेर ल्याएको स्मरण गर्नुभयो ।
उहाँले गणतन्त्रलाई कुनै पक्षबाट धावा बोलिन्छ भने त्यसको विरोध गर्ने पनि बताउनुभयो ।
राजावादीहरूलाई उहाँले नागरिक र प्रेस स्वतन्त्रता माथि भएको हस्तछेप बन्द गर्न चेतावनी दिनुभएको छ ।

चैत्र २० गते सम्म नेपाल पत्रकार महासंघले देशभरिबाट उक्त घट्नाको बिरोध जनाउदै कार्यक्रम सार्वजनिक गरेको छ गरेको छ ।
जसमा कार्यस्थलमा कालोपट्टी बाँध्ने, प्रमुख जिल्ला अधिकारीमार्फत नेपाल सरकारलाई ज्ञापनपत्र बुझाउने लगायत रहेको छ।