आइसिँ तामाङ, मेलम्ची ।
मेलम्ची नगरपालिका–१३ स्थित फट्केश्वरमा रक्तदान कार्यक्रममा सम्पन्न भएको छ । उक्त रक्तदान कार्यक्रममा ४० जनाले रक्तदान गरेका छन्। नेपालथोक युवा क्लबको आयोजनामा, नेपाल रेडक्रस सोसाइटी सिपाघाट उपशाखाको प्राविधिक सहयोग र मेलम्ची नगरपालिका १३ नम्बर वडाको सहकार्यमा कार्यक्रम सम्पन्न गरिएको हो। कार्यक्रममा ८ महिला र ३२ पुरुषले स्वेच्छिक रक्तदान गरेका छन्। रेडक्रस सिपाघाट उपशाखाका सभापति केशव डोटेलका अनुसार रक्तदानले आपतकालीन अवस्थाका बिरामीलाई सहयोग पु¥याउने विश्वास लिएको बताइएको छ। नेपालथोक युवा क्लबकी अध्यक्ष सुस्मिता डोटेलले युवाहरूमा सामाजिक उत्तरदायित्व र मानव सेवाको भावना अभिवृद्धि गर्ने उद्देश्यले कार्यक्रम आयोजना गरिएको जानकारी दिनुभयो।
कार्यक्रममा स्थानीयवासी, सरकारी कर्मचारी, सुरक्षाकर्मी लगायतको उल्लेखनीय उपस्थिति रहेको थियो। आयोजकले रक्तदान कार्यक्रमलाई हरेक वर्ष निरन्तरता दिने योजना बनाएको जनाएका छन्।