जनतापत्र, मेलम्ची सिन्धुपाल्चोक ।
मेलम्ची नगरपालिका–१० मा दोस्रो वडास्तरीय अध्यक्ष कप पुरुष भलिबल प्रतियोगिता असोज १० देखि १२ गतेसम्म शीतलादेवी माध्यमिक विद्यालयको प्राङ्गणमा हुने भएको छ।
वडास्तरीय भलिबल प्रतियोगिता सञ्चालन समितिको आयोजनामा हुने प्रतियोगितामा विजेताले २० हजार नगदसहित ट्रफी, मेडल र प्रमाणपत्र पाउने कार्यक्रम संयोजक प्रल्लाद ढुंगेलले जानकारी दिनुभयो। दोस्रो हुनेले १५ हजार र तेस्रो हुनेले १० हजार नगदसहित ट्रफी, मेडल र प्रमाणपत्र प्राप्त गर्नेछन्।
समापन समारोहमा नगर प्रमुख आइतमान तामाङ, उपप्रमुख उमा प्रधान, वडा अध्यक्ष अमृत खनाल लगायत जनप्रतिनिधिको उपस्थितिमा राष्ट्रिय कलाकार प्रदीप रोक्का, प्रतिमा अर्याल, निमेश दाहाल तथा स्थानीय कलाकारहरूको प्रस्तुति रहनेछ।