जनतापत्र,मेलम्ची सिन्धुपाल्चोक ।
मेलम्ची खानेपानी आयोजनाको पाइप फुट्दा गत वर्ष माघ महिनामा क्षति व्यहोरेका बबरमहल क्षेत्रका २१ परिवारले क्षतिपूर्ति प्राप्त गरेका छन्। गत वर्ष काठमाडौं उपत्यका खानेपानी लिमिटेड केयूकेएल ले बबरमहल क्षेत्रमा पाइपलाइन विस्तारका क्रममा नेपाल विद्युत् प्राधिकरणले भूमिगत तार बिछ्याउँदा मुख्य वितरण पाइपमा क्षति पुर्‍याएको थियो। त्यसपछि उक्त स्थानमा बाढी आएको र नजिकैका सरकारी कार्यालय, आवासीय घर तथा व्यावसायिक भवनहरूमा क्षति पुगेको थियो। उक्त बाढीबाट प्रभावित २१ परिवारलाई विभिन्न संघ–संस्थामार्फत क्षतिपूर्ति उपलब्ध गराइएको काठमाडौं उपत्यका संघर्ष समितिका अध्यक्ष गोविन्दराज पन्तले जानकारी दिनुभयो। उहाँका अनुसार, पीडित परिवारले लामो समयदेखि क्षतिपूर्तिको माग गर्दै आएका थिए, जसलाई अन्ततः सम्बोधन गरिएको हो। अध्यक्ष पन्तले भविष्यमा कुनै पनि विकास निर्माण कार्य गर्दा स्थानीयको सम्पत्तिको सुरक्षा सुनिश्चित गर्न सरोकारवाला निकायहरूलाई ध्यान दिन आग्रह गर्नुभयो। , “गत वर्षको माघमा मेलम्चीको पाइप फुटेर ठूलो क्षति भएको थियो। त्यसबाट प्रभावित स्थानीयहरूलाई क्षतिपूर्ति दिलाउन सफल भएका छौं। अब यस्ता घटना दोहोरिन नदिन सबै निकाय सचेत हुन आवश्यक छ।” मेलम्ची खानेपानी आयोजनाको पाइप बारम्बार फुट्ने घटनाले यसको गुणस्तरप्रति प्रश्न उठ्दै आएको छ।