जनतापत्र,मेलम्ची सिन्धुपाल्चोक ।
मेलम्ची नगरपालिकाको कार्यपालिका बैठकले हालै सम्पन्न न्भलश् आन्दोलनका क्रममा ज्यान गुमाएका नेपालीहरू प्रति गहिरो श्रद्धाञ्जली अर्पण गर्दै शोक प्रस्ताव सर्वसम्मत रूपमा पारित गरेको छ। २०८२ साल भाद्र २३ र २४ गते देशव्यापी रूपमा आयोजित आन्दोलनको क्रममा घाइते भएका सुरक्षाकर्मी तथा सर्वसाधारणको शीघ्र स्वास्थ्यलाभको कामना गर्दै बैठकले गहिरो सहानुभूति प्रकट गरेको छ।
बैठकपछि सञ्चारकर्मीहरूसँग कुरा गर्दै नगरप्रमुख आइतमान तामाङले लोकतान्त्रिक मूल्य र नागरिक अधिकारको सम्मान गर्दै संवाद, सहकार्य, शान्ति र सामाजिक सद्भावलाई कायम राख्न सबै पक्षलाई जिम्मेवार र संयमित बन्न आग्रह गर्नुभयो। उहाँले यस्ता दुःखद घटना भविष्यमा नदोहोरिनेतर्फ विशेष ध्यान दिनुपर्नेमा पनि जोड दिनुभयो। मेलम्ची नगरपालिकाले घटनालाई गम्भीर रूपमा लिएको स्पष्ट गर्दै, पीडितहरूप्रति समवेदना र ऐक्यबद्धताको भावना व्यक्त गरेको छ। साथै, नगरपालिकाले शान्तिपूर्ण सामाजिक रूपान्तरणतर्फ अग्रसर हुने प्रतिबद्धता समेत व्यक्त गरेको छ।