जनतापत्र,मेलम्ची, सिन्धुपाल्चोक ।
नेपाल सरकारले जेनजी आन्दोलनका क्रममा भएको आगजनी र तोडफोडबाट क्षति पुगेका भौतिक संरचनाको पुनर्निर्माण, आर्थिक पुनरुत्थान तथा राहतका लागि स्थापना गरेको भौतिक पूर्वाधार पुनर्निर्माण कोषमा मेलम्ची नगरपालिकाका सम्पूर्ण कर्मचारीले एक दिनको तलब सहयोग गर्ने भएका छन्।नगरपालिकाका लेखा अधिकृत मुरारी पुडासैनीका अनुसार उक्त निर्णय नगरपालिकाको आन्तरिक बैठकले गरेको हो। उनका भनाइमा, “देशमा विपद् र संकटका बेला सरकारी संयन्त्रले अग्रसर भएर सहयोग गर्नु आवश्यक हुन्छ, त्यसकै भागस्वरूप सबै कर्मचारीको एक दिनको तलब कोषमा जम्मा गरिनेछ।”
नगर प्रमुख आइतमान तामाङले पनि यसअघि मेलम्ची नगरपालिका र यहाँका कर्मचारीहरूले विभिन्न विपद् र राहत कार्यमा निरन्तर सहयोग गर्दै आएको बताउनुभयो। उहाँका अनुसार, “यो सहयोगले पुनर्निर्माणका प्रयासलाई थप बल पुर्‍याउनेछ।”