आइसिँ तामाङ,सिन्धुपाल्चोक ।
नेकपा (एमाले) स्थायी कमिटी सदस्य शेरबहादुर तामाङको नेतृत्वमा एक प्रतिनिधिमण्डलले नेपाल विद्युत प्राधिकरणका कार्यकारी प्रमुख समक्ष ध्यानाकर्षण पत्र बजाएको छ ।
उक्त पत्र बुझाउँदै मेलम्चीलगायत वरपरका क्षेत्रमा बारम्बार हुने विद्युत अवरोधले आम नागरिकलाई गम्भीर सास्ती भोगेको उल्लेख गरेको छ । साथै मेलम्चीमा नयाँ सब–स्टेशन निर्माण तथा तिपेनी सब–स्टेशनको तत्काल मर्मत गरी नियमित तथा भरपर्दो विद्युत आपूर्ति सुनिश्चित गर्न र दीर्घकालीन समाधानका लागि नीतिगत निर्णय तथा आवश्यक बजेट विनियोजन गर्न जोडदार माग गरेको छ।