जनतापत्र,मेलम्ची सिन्धुपाल्चोक ।
नमुना युथ एक्टिभ ग्रुपको आयोजनामा हिजो मेलम्चीमा दीपावली साँझ तथा सांस्कृतिक कार्यक्रम सम्पन्न भएको छ। कार्यक्रमका प्रमुख अतिथि बागमती प्रदेशका मुख्यमन्त्री इन्द्रबहादुर बानियाँ रहेका थिए। सो अवसरमा प्रदेशका उर्जा, जलस्रोत तथा सिंचाइ मन्त्री कृष्णकुमार तामाङ, पूर्व मन्त्री युवराज दुलाल, नेता निमा लामा, मेलम्ची नगरपालिकाका प्रमुख आइतमान तामाङ, उप–प्रमुख उमा प्रधान, विभिन्न वडाका अध्यक्षहरू तथा स्थानीयको उपस्थिति रहेको थियो। कार्यक्रमको स्वागत मन्तव्य दिँदै मेलम्ची नगरपालिका–७ का वडा अध्यक्ष पासाङ तामाङले सम्पूर्ण नेपाली जनतालाई दीपावली तथा छठ पर्वको शुभकामना व्यक्त गर्दै मेलम्ची, हेलम्बु र पाँचपोखरी क्षेत्रका स्थानीयवासीहरू फटेमा पक्की पुल नहुँदा सास्ती भोग्न बाध्य रहेको बताए। २०७८ साल असार १ गतेको बाढीले उक्त पुल बगाएपछि अझै पुनर्निर्माण नहुँदा आवागमनमा समस्या रहेको उल्लेख गनुृ भयो। साँस्कृतिक कार्यक्रममा कलाकार प्रकाश तितुङ, आसमान लोप्चन, ओम वाइवा, नेपाल आइडल विजेता गंगा सोनाम, भिमसेन खतिवडा र दिपेन्द्र सोनामलगायतका प्रस्तुतिले दर्शकलाई मनोरञ्जन प्रदान गरेका थिए। त्यस्तै, वरिष्ठ बाँसुरीवादक नगेन्द्र राईको बाँसुरी वादनले कार्यक्रममा थप रौनक ल्याएको थियो। सोही अवसरमा मुख्यमन्त्री बानियाँले नेपाल आइडल विजेता गंगा सोनामलाई दोसल्ला र सम्मानपत्र प्रदान गरे। कार्यक्रम शिरबहादुर ९अभि० तामाङको अध्यक्षतामा सम्पन्न भएको थियो।