जनतापत्र, मेलम्ची ।
मेलम्चीमा माघ २२ र २३ गते आँखा शिविर सम्पन्न भएको छ । तिलगंगा आँखा प्रतिष्ठान र तिलगंगा सामुदायिक आँखा केन्द्र, मेलम्चीको सहकार्य तथा मेलम्ची नगरपालिकाको समन्वय र सहयोगमा भएको उक्त शिविरमा डा. प्रतिभा लामा जोशीको नेतृत्व र रमिता महर्जनको नेतृत्व रहेको थियो । मेलम्चीका प्रमुख आशिष भट्टले ८० मोतियाबिन्दु प्रभावित आँखाको शल्यक्रिया गर्ने लक्ष्यले शिविर गरिएकोमा ८२ मोतियाबिन्दु प्रभावित आँखाको सफलतापूर्वक दृष्टि पुनःस्थापित बताउनुभयो । शिविरमा मोतियाविन्दुको शल्याक्रिया सँगै २ वटा मासु पलाएको शल्यक्रिया गरी कुल ८४ वटा शल्यक्रिया गरिएको छ ।
शिविरमा सहभागीहरूले आफ्नो दृष्टि पुनःप्राप्त गरेकोमा खुशी भएका छन् ।
सहभागी टक्करकुमारी दुलालले दृष्टि पुनःस्थापनापछि शारीरिक, मानसिक, सामाजिक र आर्थिक रूपमा ठूलो परिवर्तनको अनुभव भएको र
पुनः प्राप्त दृष्टिले आफुहरुलाई आत्मनिर्भर बन्न, आफ्नो
दैनिक जीवन सहज रूपमा संचालन गर्न, सामाजिक गतिविधिमा पुनःसक्रिय हुन, र आर्थिक रूपमा लाभदायक कार्यहरूमा संलग्न हुन सहयोग पुग्ने बिष्णुप्रसाद सापकोटाको भनाइ रहेको छ ।
गत साता मेलम्ची रदुवाचौर र इन्द्रावतीको नवलपुर र भिमटारमा छनौट शिविर गरि मोतियाविन्दुको शल्याक्रिया गर्नुपर्नेको छनौट गरिएको थियो ।
२५ पुष २०८१, बिहीबार १२:०३
