जनतापत्र,मेलम्ची सिन्धुपाल्चोक ।
मेलम्ची बजारमा कात्तिक ५ गते राति भएको आगलागीबाट पूर्णरूपमा क्षति पुगेका दुई व्यवसायीलाई सहयोग रकम हस्तान्तरण गरिएको छ। मेलम्ची नगर उद्योग वाणिज्य संघको पहलमा संकलित सहयोग रकम आज एक कार्यक्रमका बीच हस्तान्तरण गरिएको हो। संघका अनुसार हालसम्म आठ लाख चौँतिस हजार एक सय एकाउन्न रुपैयाँ ९₹८,३४,१५१० संकलन भएको छ। उक्त रकममध्ये ५० हजार रुपैयाँ धनलक्ष्मी ज्वेलर्सका प्रोप्राइटर रोशन सुनारलाई र बाँकी ७ लाख ८४ हजार एक सय एकाउन्न रुपैयाँ अधिकारी फेन्सी स्टोरका प्रोप्राइटर दिनेश अधिकारीलाई प्रदान गरिएको संघका महासचिव तारा बानियाँले जानकारी दिनुभयो। कार्यक्रममा मेलम्ची नगर उद्योग वाणिज्य संघका अध्यक्ष पुष्करप्रसाद धिताल, सिन्धुपाल्चोक उद्योग वाणिज्य संघका उपाध्यक्ष प्रकाश दाहाल, लगायत संघका पदाधिकारी तथा स्थानीय व्यवसायीहरूको उपस्थिति रहेको थियो। संघका अध्यक्ष धितालले आगलागी पीडित व्यवसायीलाई थप सहयोगका लागि स्थानीय तथा राष्ट्रिय स्तरका दाताहरूसमेतलाई आव्हान गर्नुभएको बताइएको छ।