जनतापत्र ,काठमाडौँ
कागेश्वरी मनोहरा नगरपालिका–६ मुलपानीमा भएको कार दुर्घटनामा गम्भीर घाइते भएका स्कुटर चालकको उपचारका क्रममा मृत्यु भएको छ। उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक नरेशराज सुवेदीका अनुसार बा ५ च ८३२० नम्बरको कारले बा।प्र। ०२–०२७ प ६७३० नम्बरको स्कुटरलाई ठक्कर दिँदा सिन्धुपाल्चोक बलेफी गाउँपालिका–३ का ३६ वर्षीय मिङ्मार पाख्रिन गम्भीर घाइते भएका थिए।घटनापछि उनलाई तत्कालै उद्धार गरी शङ्खरापुर अस्पताल पुर्याइएको थियो। तर, उपचारको क्रममा आइतबार राति नै उनको मृत्यु भएको प्रहरीले जनाएको छ। ठक्कर दिने कार चालकलाई नियन्त्रणमा लिएर थप अनुसन्धान भइरहेको उपत्यका ट्राफिक प्रहरीले जनाएको छ।