जनतापत्र, चौतारा ।
मालिकादेवी कपमा चार टोली क्वाटरफाइनल प्रवेश गरेका छन् । चौतारा साँगाचोकगढी नगरपालिका –७ मेलचौरमा भइरहेको चौथो संस्करणको मालिकादेवी कपमा क्वाटरफाइनलमा चार टोली पुगेका हुन् ।
मंगलबार मेलचौरको दरबारडाँडा मैदानमा पाँच खेल सम्पन्न भएको थियो ।
सो खेलमा राई एपसी झापा, पोखरे युवा समाज इर्खु, धार्पा युवा क्लव बाह्रविसे र सुकुटे युवा जागरण मञ्च क्वाटरफाइनलमा प्रवेश गरेका हुन् ।
मंगलबार अन्तिम ३२ को एक र प्रिक्वाटर फाइनलका चार खेल खेलाइएको थियो । बुधबार प्रिक्वाटर फाइनलका चार खेल हुने छन् । यी खेलबाट चार बिजेता टोलीको टुंगो लागेपछि अन्तिम आठको समीकरण पुरा हुने छ ।