जनतापत्र, मेलम्ची ।
गृहिणी महिला सशक्तीकरण कार्यक्रम अन्तर्गत मेलम्ची नगरपालिकाका ४० जना गृहिणी महिलालाई १५ दिने मौरीपालन तालिम प्रदान गरिएको छ । मेलम्ची नगरपालिका वडा न.९ र वडा नं ६ का गरि ४० जना गृहिणी महिलालाई बागमती प्रदेश सरकार सामाजिक बिकास मन्त्रालय अन्तर्गत सामाजिक बिकास कार्यालय काभ्रेपलान्चोक र मेलम्ची नगरपालिकाको लागत तालिम प्रदान गरिएको हो ।
मेलम्ची नगरपालिकाका महिला बालबालिका तथा सामाजिक समावेशिकरण शाखाका प्रमुख राजेन्द्र दुलालले फागुन २२ गते बाट शुरु भएको तालिममा वडा नं ६ का २७, वडा नं ३ का १ जना र वडा नं ९ का १९ जना गरि जम्मा ४० जना सहभागि भएको जानकारी दिनुभयो ।

गृहिणी महिलालाई मौरीको घार लगायत मौरी पालनका लागी आवश्यक सामाग्रीहरु प्रदान गरिनुका साथै वडा नं ६ मा भएको तालिमको मुख्य प्रशिक्षक कृषि अधिकृत अर्जुन प्रशाद चौलागाई रहनुभएको थियो ।
भने वडा नं ९ को प्रमुख प्रशिक्षक कृषि अधिकृत सुरेश सिम्खडा रहनुभएको थियो । सहायक प्रशिक्षक हरिगोपाल श्रेष्ठ रहनुभएको थियो ।