जनतापत्र,सिन्धुपाल्चोक ।
सिन्धुपाल्चोक जिल्लामा तीव्र गतिमा निर्माणाधीन १०२ मेगावाट क्षमताको मध्यभोटेकोशी जलविद्युत आयोजना अब अन्तिम चरणमा पुगेको छ। आयोजना प्रमुख रामगोपाल शिवाकोटीका अनुसार निर्माण कार्य लगभग सम्पन्न भइसकेको र जेठपछि विद्युत उत्पादन सुरु गर्ने तयारी भइरहेको छ।
यो आयोजना नेपाल सरकारले विद्युत उत्पादनमा आत्मनिर्भरता हासिल गर्ने उद्देश्यले अघि बढाएको महत्वाकांक्षी जलविद्युत परियोजनामध्ये एक हो। हालसम्मको प्रगति हेर्दा आयोजना समयमै सम्पन्न हुने अपेक्षा गरिएको छ, जसले राष्ट्रिय प्रसारण प्रणालीमा महत्वपूर्ण योगदान पुर्याउनेछ।
आयोजनाले विद्युत उत्पादनका लागि विसं २०८० पुस र २०८१ कात्तिकमा सुरुङमा पानी पठाएर परीक्षण गरेको थियो । परीक्षणमा दुवै पटक पानी चुहिएपछि फेरि सुरुङ ‘रेट्रोफिट’ गर्नुपरेको थियो । अहिले ‘रेट्रोफिट’ गरेर सुरुङ टालिएकाले बाँकी प्रसारण लाइनको काम छिट्टै सकिने आयोजना प्रमुख रामगोपाल शिवाकोटीले जानकारी दिनुभएको हो । निर्मण कार्य सकिनेबित्तिकै जेठपछि विद्युत उत्पादन गर्ने तयारी थालिएको पनि बताउनु भएको छ ।
१९ जेष्ठ २०८२, आईतवार १७:४२
