जनतापत्र, भोटेकोशी ।

दिनानुदिन भोटेकोशी र सुनकोशी नदी प्रदूषित भइरहेका छन् ।
स्थानियले जथाभावी फोहोर फाल्दा धार्मिक महत्त्व बोकेका स्थानछेउ भएर बग्ने सो नदि प्रदूषित भइरहेको हो ।
बलेफी गाउँपालिकाको मुख्य बजार खाडीचौरबाट जम्मा हुने फोहोर नदीको बगरमा फाल्न
े गरिएको छ । जसले गर्दा नदि प्रदुषित भएको हो ।

अरनिको राजमार्गमा खाडीचौर बजार पर्दछ । जुन दोलखा, रामेछापसहित विभिन्न स्थानीय तहको केन्द्र पुग्नुअघिको मुख्य बजार मानिन्छ ।

यस स्थानमा विभिन्न मानेछ्र्योतेन र बगरमा केही पुराना मन्दिर रहेका छन् ।
वरपर बजारबाट प्लास्टिक, बोतल, सिसाजस्ता हानिकारक फोहोर स्थानियले यही बगरमा फाल्ने गरेका छन् । जसले गर्दा वातावरण दुर्गन्धित बनेको छ ।

लामो समयदेखि बाह्रबिसे नगरपालिकाले फोहोर संकलनका लागि टिपर र संकलकको व्यवस्था गरेको छ । नगरले भने आफ्नो तर्फबाट बजार सफा राख्ने प्रयास गरिरहेतापनि नगरमा जम्मा गरिएको फोहोर भने महभिरक्षेत्रबाट नदीमा फाल्ने गरिएको हो ।

बलेफी र बाह्रबिसे नगरमा केहीले भने फोहोरमैला र ढल सिधै सुनकोशी नदीमा फाल्ने स्थान स्थानीय सरकारले नतोकेका कारण नदी किनारमा फाल्ने गरेको स्थानीयहरले बताएका छन् ।
महभिरमा फालिएको फोहोर कुहिँदा र जलाएको धूवाको दुर्गन्र्धले पारि सुनकोशीको पुरानो बस्ती र बजार प्रताडित छ ।

सुनकोशीमा पाँच सय वर्षभन्दा पुरानो मानिने कफेश्वर महादेवको मन्दिरभन्दा तल्लो बगरमा सुनकोशी बगेर भोटेकोशीमा मिसिन्छ । घाटसमेत रहेको उक्त स्थान त्रिवेणी धाममा स्नान र पूजाका लागि जनैपूर्णिमाका दिन भीड लाग्छ । फोहोरको दुर्गन्र्धले तीर्थालु दिक्क हुने गरेको तीर्थालुले बताएका छन् । फोहोर फ्याँक्न नदीको बदलामा जुरेपहिरोमा विकल्प खोजिनुपर्ने स्थानीयले जानकारी दिएका छन् ।