जनतापत्र,सिन्त्रुपाल्चोक ।
विभिन्न प्रलोभन देखाई भारत पु¥याएर बेच्न लागिएका १६ जना नेपाली बालबालिकालाई उद्धार गरिएको छ। उद्धार गरिएका मध्ये २ जना बालिका र १४ जना बालक छन्। ती दुई बालिकालाई यौन शोषणका लागि बेच्ने तयारीमै उद्धार गरिएको हो भने बाँकी बालकहरूलाई जोखिमपूर्ण मजदुरीमा लगाइएको पाइएको छ। किग नेपालका नवीन जोशीका अनुसार बालबालिकाहरूलाई लोभलालच देखाएर भारतको मुम्बई, नयाँ दिल्ली र विहारका विभिन्न क्षेत्रमा लैजाई काममा लगाइएको थियो। उद्धारपछि उनीहरूलाई बुधबार जनकपुर ल्याई बिहीबार परिवारको जिम्मा लगाइएको हो। उद्धार गरिएका बालबालिका ७ देखि १४ वर्ष उमेरका छन् र उनीहरू धनुषा, महोत्तरी, सिरहा, सप्तरी र रौतहट जिल्लाका बासिन्दा हुन्। पछिल्लो समयमा महिला र बालबालिकालाई भारत लैजाने क्रममा मधेश प्रदेशका सीमा नाकाहरू बढी प्रयोग भइरहेको जनाइएको छ। विज्ञहरूले मानव बेचबिखन नियन्त्रणका लागि सीमामा निगरानी कडाइ र जनचेतना अभिवृद्धि गर्न आवश्यक रहेको बताएका छन्।