जनतापत्र, काठमाडौं ।
भदौ २४ गतेको हिंसात्मक प्रदर्शनपछि काठमाडौं, सुनसरी र मोरङका भाटभटेनी सुपरमार्केटमा फेला परेका १२ वटा जलेका शवको पहिचान अझै हुन सकेको छैन। काठमाडौंको चुच्चेपाटीमा ७, इटहरीमा ४ र मोरङमा १ शव भेटिएका हुन्। ती शव पूर्ण रूपमा जलेका कारण पोस्टमार्टम र डीएनए परीक्षणमा ढिलाइ भएको प्रहरीले जनाएको छ। प्रहरीका अनुसार शव आफन्तको दाबी गर्दै कोही पनि सम्पर्कमा आएका छैनन्। चुच्चेपाटीमा भेटिएका शव त्रिवि शिक्षण अस्पतालमा राखिएको र डीएनए परीक्षणका लागि विधि विज्ञान प्रयोगशालामा पठाइएको छ। देशभर भदौ २४ को आन्दोलनका क्रममा आगलागी हुँदा २० जनाभन्दा बढीको मृत्यु भएकोमा भाटभटेनीका यी शवहरूको पहिचान भने अझै खुल्न सकेको छैन।