जनतापत्र,सिन्धुपाल्चोक ।
जिल्ला प्रहरी परिसर भक्तपुरले जेनजी आन्दोलनका क्रममा आगजनी र लुटपाटमा संलग्न रहेको आरोपमा एक व्यक्तिलाई पक्राउ गरेको छ। पक्राउ परेका व्यक्ति सिन्धुपाल्चोक बाह्रबिसे नगरपालिका–९ का २२ वर्षीय सुमन कार्की हुन्, जो हाल चाँगुनारायण नगरपालिका–८ शङ्कर भट्टामा काम गर्दै आएका थिए।
प्रहरीका अनुसार कार्कीको बसोबासस्थलबाट एसएलआर राइफलका १६ राउन्ड गोली फेला परेका छन्। जिल्ला प्रहरी परिसर भक्तपुरका सूचना अधिकारी प्रकाश जवेजुका भनाइअनुसार पक्राउ परेका कार्कीलाई हाल हिरासतमा राखी थप अनुसन्धान भइरहेको छ। यसअघि भक्तपुर प्रहरीले गत भदौ २४ गतेको जेनजी आन्दोलनका क्रममा फरार भएका १३ जना कैदीबन्दीलाई समेत पक्राउ गरी सम्बन्धित कारागार पठाइसकेको जनाएको छ।