जनतापत्र, सिन्धुपाल्चोक । जनस्वास्थ्य कार्यलय सिन्धुपाल्चोकले बिरामी सुरक्षा र स्वास्थ्य सुरक्षाबारे सचेतना गर्ने उद्देश्यले बिरामी सुरक्षा दिवस मनाएको छ । सन् २०१९ को मे महिनामा विश्व स्वास्थ्य सङ्गठनको ७२ औँ महासभाले एक सय ९४ देशको सहभागितामा गरेको निर्णयअनुसार सोहि वर्षको सेप्टेम्बर १७ तारिख देखि विश्व बिरामी दिवस मनाउन थालिएको हो ।
निदानमा सुधार, बिरामी सुरक्षाको आधार भन्ने मुल नाराका साथ जस्वास्थ्य कार्यलय सिन्धुपाल्चोकले मंगरबार विश्व विरामी सुरक्षा दिवसको अवसरमा अन्तरक्रिया कार्यक्रम आयोजना गरी मनाएको छ । सो अन्तरक्रियामा पत्रकार, स्वास्थ्यकर्मी र सरोकारवालाहरुको उपस्थिति रहेको थियो ।

ढिलो, गलत र अपूरो निदानले स्वास्थ्यमा जोखिम बढाउँछ तर रोगका लक्षण र समस्याबारे स्वास्थ्यकर्मीलाई बताउने, पर्खिनुपर्ने समयबारे सोधीखोजी गर्ने, स्वास्थ्यकर्मीबाट आवश्यक सल्लाह लिने तथा परीक्षणको नतिजा आएपछि पुनः स्वास्थ्यकर्मीसँग परामर्श लिनुपर्नेमा नर्सिङ अधिकृतले जोड दिएकी थिइन् ।
सो सन्दर्भमा बोल्दै चौतारा अस्पतालका निमित्त मेडिकल सुपरिटेन्डेन्ट रुद्रमणी भण्डारीले वोल्दै विरामी आफै जिम्मेवारी हुनुपर्ने र विरामीले चिकित्सकको सल्लाह ,अनुमति बिना औषधि किनेर प्रयोग गर्दा स्वास्थ्यमा असर पर्नसक्ने वा ज्यानै जाने जोखिम हुने बताए । डाक्टर भण्डारीले प्रादेशिक अस्पताल चौतारा अस्पतालमा विरामीको सुरक्षामा सक्ने ध्यान दिएर काम गरिरहेको बताएका छन् ।
जनस्वास्थ्य अधिकृत दुर्गा बजगाँईले निदानमा सुधार ल्याउन स्वास्थ्य सस्था र अस्पतालमा खटिएका स्वास्थ्यकर्मी संगै स्वयम बिरामी र समुदायनै जिम्मेवार भई सचेत हुनुपर्ने बताइन् । बजगाँईले यो दिवसले बिरामी सुरक्षा गर्न आम नागरिकको चेतनामा विकास गर्नुका साथै बिरामी सुरक्षाको सुनिश्चितता गर्न उनिहरूको प्रभावकारी रूपमा कार्यान्वयन गर्दै बिरामीमा हुन सक्ने हानी न्यूनीकरण गर्न मद्दत हुने बताइन् ।
।