जनतापत्र, सिन्धुपाल्चोक ।
काठमाडौंको शिवचोकस्थित होटल एस एन जि मा श्री बालसुधार माध्यमिक विद्यालय भूतपूर्व विद्यार्थी समाजले विजया दशमी–२०८२ को अवसरमा शुभकामना आदानप्रदान तथा सदस्यता वितरण कार्यक्रम भव्यताका साथ सम्पन्न गरेको छ। कार्यक्रमका प्रमुख अतिथि डा। कृष्ण सुवेदी र विशेष अतिथि मेलम्ची नगरपालिका–७ का वडा अध्यक्ष पासाङ तामाङ रहनु भएको थियो । लोकप्रिय गायिका सुशीला बन्जाडेको प्रस्तुति सहित कार्यक्रम उत्साहपूर्ण बनेको थियो।
समाजका सचिव नवीन श्रेष्ठले स्वागत मन्तव्य राख्दै उपस्थित अतिथिलाई धन्यवाद ज्ञापन गरे भने युवा व्यवसायी तथा समाजसेवी दिनेश गिरीले संस्थाका कार्यक्रम गुणात्मक र उपलब्धिमूलक भएको बताउनु भएको छ । वडा अध्यक्ष पासाङ तामाङले संस्थाका सकारात्मक गतिविधिमा वडाको साथ रहने प्रतिबद्धता व्यक्त गर्नु भएको छ । प्रमुख अतिथि डा। सुवेदीले अग्रज र नवपुस्ताको सहभागितासहित स्थानीय निकायसँग सहकार्य गरेर अघि बढ्नुपर्नेमा जोड दिनु भएको छ । सभापति प्रदिप पुरीले संस्थालाई पूर्वविद्यार्थीहरूको साझा चौतारीका रूपमा अघि बढाउन सबैलाई सक्रिय सहभागी हुन आह्वान गर्नु भएको छ ।
सो अवसरमा दशैं, तिहार, नेपाल संवत्, छठ पर्व र ल्होसारको शुभकामना आदानप्रदान गरिएको थियो। साथै, उल्लेख्य संख्यामा सदस्यता वितरण भएको कोषाध्यक्ष नवीन गिरीले जानकारी दिनु भएको छ । कार्यक्रमको सञ्चालन उपाध्यक्ष देवराज सुवेदीले गर्नु भइको थियो।