जनतापत्र, बलेफी ।
बलेफी गाउँपालिका–५ काभ्रे, गैरीगाउँ, गुर्दुमका १५० घरधुरी वर्षौंदेखि खानेपानीको चरम समस्यामा रहेका थिए । बलेफी गाउँपालिका–५ काभ्रे, गैरीगाउँ, गुर्दुमका समस्या समाधानको लागि डिप बोरिङ निर्माण गरेर खानेपानीको व्यवस्था गरिने भएको छ ।
वडाध्यक्ष यादव ठकुरीका अनुसार, वडाको ट्रान्सफरमर डाँडामा डिप बोरिङ निर्माण गरी गाउँमा पानी पु¥याउन थालिएको छ ।
बागमती प्रदेश सरकारको बहुवर्षीय योजना अन्तर्गत डिप बोरिङ निर्माण गरेर खानेपानी व्यवस्था गरिदैँ ट्रान्सफरमर डाँडामा १ सय ७५ मिटर गहिराई डिप बोरिङ निर्माण गरेर पानी निकालिएको उहाँले जानकारी दिनुभयो ।
डिप बोरिङ गरेर पानी निकालिएको छ । उक्त पानीलाई कमप्रेसर, प्रशोधन गरेर स्थानीयवासीका घरघरमा लगिने भएको छ ।
वडाध्यक्षका उम्मेदवार हुने समयमा पानी खुवाउने घोषणपत्रमा उल्लेख गरेसँगै उक्त स्थानमा खानेपानी पु¥याउन लागिएको उहाँले जानकारी दिनुभयो ।
स्थानीय अगुवा रञ्जित पौडेलले कमेरे, भोटेपंधेरो, थापुङ लगायतका स्थानमा रहेको मुहानमा एक घण्टा बढी समय लगाएर पानी ल्याउनु पर्ने बाध्यता हटेको जानकारी दिनुभयो ।
१४ माघ २०८१, सोमबार १२:०६
