जनतापत्र, काठमाण्डौं ।

अन्तर्राष्ट्रिय फुटबलको निकाय फिफाले हालै सार्वजनिक गरेको महिला फुटबल वरियतामा नेपाली टोलीले उल्लेखनीय छलाङ मारेको छ। अघिल्लो पटक १००औं स्थानमा रहेको नेपाल अहिले १३ स्थान सुधार गर्दै ८७औं स्थानमा उक्लिएको छ।

यसपटक नेपालले कुल १२४८.८९ अंक प्राप्त गरेको छ, जुन अहिलेसम्मकै उच्च वरीयता हो। केही समयअघि सम्पन्न एएफसी छनोट प्रतियोगितामा नेपालले शानदार प्रदर्शन गरेको थियो। लाओसलाई ९–० र श्रीलंकालाई ८–० ले पराजित गरेको नेपालले समूह चरणको अन्तिम खेलमा उज्वेकिस्तानसँग ३–३ को बराबरी खेलेको थियो। तर टाइब्रेकरमा ४–२ ले पराजित हुन पुग्यो।

यी नतिजाहरूले नेपाललाई विश्व वरियतामा माथि उक्लन सहयोग गरेका हुन्। यो प्रगति नेपाली महिला फुटबलको लागि प्रेरणादायक मानिएको छ।