जनतापत्र, साँगाचोक ।
प्रयास महिला बचत तथा ऋण सहकारी संस्थाको तेह्रौ साधारणसभा तथा चौधौं बार्षिक उत्सव समापन भएको छ ।
आज चौतारा साँगाचोकगढी नगरपालिका वडा नम्बर १२ साँगाचोकमा सहकारी संस्थाका अध्यक्ष धामो तामाङको अध्यक्षता १३ बर्ष अगाडि महिलाहरुकै प्रयासमा साँगाचोकमा स्थापना भएको उक्त सहकारी संस्थाको साधारणसभा तथा चौधौं बार्षिक उत्सव समापन भएको हो ।
कार्यक्रमका प्रमुख अतिथि समेत रहेका बागमती प्रदेशका पुर्व मन्त्री एवं प्रदेश सांसद युवराज दुलाल शरदले
साधारणसभा उद्घाटन गर्दै सहकारीले न्यून आय भएका जनताको जीवनस्तरलाई उकास्नको लागि महत्त्वपूर्ण भुमिका खेल्ने बताउनुभयो । उहाँले सहकारीले सबैलाई समान रुपमा समान अवसर प्रदान गर्ने भन्दै सहकारीले सोही अनुसारको कार्य अघि बढाउँदै सांसद दुलालले सहकारी अभियान समाजबादको एक आधारशिला भएको र सहकारीले नै ग्रामीण महिलाहरुलाई उद्यमी बन्नको निमित्त उत्प्रेरित गर्नुपर्ने कुरामा जोड दिनुभयो । उक्त सहकारी संस्थामा ९ सय ९२ जना सेयर सदस्य रहेका छन् । संस्थाका कोषाध्यक्ष नानीमाया रानाले सहकारी संस्थामा शेयर रकम २७ लाख २४ हजार सात सय, बचत संकलन २ करोड ३१ लाख आठ सय पन्चानब्बे ७८ हजार लगानी भएको बताउनुभयो ।
उहाँले दिएको जानकारी अनुसार, सहकारीको सबै प्रकारका बचतबाट हुन आएको निक्षेप हिसाब १ करोड ८५ लाख २० हजार चार सय बत्तीस रहेको छ ।
संस्थाकी संस्थापक अध्यक्ष शारदा अर्यालले एमडिएम फ्रान्सको आर्थिक तथा प्राविधिक सहयोग र जिल्ला स्वास्थ्य कार्यालयको समन्वयमा सामुदायिक विकास तथा वातावरण संरक्षण मञ्चद्वारा सञ्चालन गरेको प्रजनन स्वास्थ्य तथा लघुवित्त एकीकृत परियोजनाको सञ्चालनसँगै निर्माण भएको जानकारी दिनुभयो । उहाँले प्रजनन उमेर समुहका महिलाहरूको समूह समूहबाट यो सहकारीको स्थापना भएको बताउनुभयो ।

साधारणसभाको अवसरमा संस्थाको भवन निर्माण तथा संस्थागत विकासमा महत्त्वपूर्ण सहयोग पुर्याएकै कारण बागमती प्रदेशका पुर्व मन्त्री एवं प्रदेश सांसद युवराज दुलाललाई बिशेष सम्मान गरिएको छ ।
संस्थाको पुर्व ब्यबस्थापक राधिका रायमाझीलाई समेत सम्मान गरि कदर पत्र प्रदान गरिएको छ ।
सो कार्यक्रममा नेकपा (माओवादी केन्द्र) का केन्द्रि
य सदस्य एवं राष्ट्रिय भुमि आयोग सिन्धुपाल्चोकका पुर्व अध्यक्ष झम्क पराजुली,माओवादी केन्द्रका बागमती प्रदेश सचिवालय सदस्य एवं नगर कार्यपालिका सदस्य गणेश वि.क.,चौतारा साँगाचोकगढी नगरपालिका वडा नम्बर १२ का वडा अध्यक्ष दीपेन्द्रप्रसाद नेपाल लगायतको उपस्थिति रहेको थियो ।
वार्षिक प्रगति प्रतिवेदन अध्यक्ष धामो तामाङले प्रस्तुत गर्दै मन्तव्य उपाध्यक्ष मनमाया नेपालले र संस्थाकी सचिव अश्मिता वि.क.ले कार्यक्रम संचालन गरिएको थियो ।