प्रथम सहिद स्मृति ब्याडमिन्टन प्रतियोगिता सम्पन्न


जनतापत्र, चौतारा ।
प्रथम सहिद स्मृति ब्याडमिन्टन प्रतियोगिता सम्पन्न भएको छ ।
स्मृति जिल्लास्तरीय ब्याडमिन्टन २०८१ मेन्स डबलतर्फको प्रतियोगितामा चौतारा साँगाचोकगढी नगरपालिकाका पूर्ण थापा र नवराज सापकोटाले प्रथम भएका छन् ।
सो प्रतियोगिता शम्भु स्मृति आश्रम नेपालको आयोजनामा बाह्रबिसे नगरपालिका–३ खुर्सानीबारीस्थित कर्भड हलमा शनिबार भएको हो । जिल्लास्तरीय ब्याडमिन्टन प्रतियोगितामा उनीहरुले अन्तिम खेलमा रमेश श्रेष्ठ र प्रकाश श्रेष्ठलाई पराजित गर्दै प्रथम भएका हुन् ।

प्रतियोगितामा ३६ टिम सहभागी थिए ।
मेन्स डबलमा १६ सेटको खेलमा २–१ सेटमा उनीहरुसँग हारेर रमेश र प्रकाश द्वितीयमा चित्त बुझाए । प्रतिस्पर्धी अनिश गुरुङ र रुद्रलाल श्रेष्ठ ,अजय तामाङ र किशन दुलाल तेस्रोमा खुम्चिए । त्यस्तै भेट्रान्स डबलतर्फको प्रतियोगितामा मेलम्ची नगरक्षेत्रका नारायणलाल श्रेष्ठ र राजनमान श्रेष्ठ प्रथम भए ।
१२ टिमबीच प्रतिस्पर्धा चलेको भेट्रान्स डबलमा थापा र साजन द्वितीय भए भने बलेफी गापाका मिङमार तामाङ र दिनेश थापा, अजय पराजुली र रत्न श्रेष्ठ तृतिय हुन सफल भएका छन् ।

९ चैत्र २०८१, आईतवार १३:०७