जनतापत्र,सिन्धुपाल्चोक ।
नेपाल आइडलको छैटौँ संस्करणमा फाइनलमा पुगेकी सिन्धुपाल्चोककी प्रतिभाशाली गायिका गङ्गा सोनामलाई जिताउन पूर्वमन्त्री तथा एमाले स्थायी कमिटी सदस्य शेरबहादुर तामाङले विशेष पहल गर्नुभएको छ । शनिबार भएको भेटघाट कार्यक्रममा नेता तामाङले गङ्गालाई प्रत्यक्ष भेटी ६ हजार भोट बराबरको करिब रु। ६० हजार सहयोग गर्नुभएको हो । साथै उहाँले देश–विदेशमा रहेका सबैलाई गङ्गालाई भोट गरेर जिताउन आह्वान गर्नुभयो ।
गोष्ठीमा बोल्दै नेता तामाङले गङ्गा सोनाम सिन्धुपाल्चोक मात्र नभई समग्र देशकै गर्व भएको बताउँदै, प्रतिभालाई सम्मान र सहयोग आवश्यक रहेको धारणा राख्नुभयो । नेपाल आइडलको फाइनल प्रत्यक्ष प्रक्षेपणमार्फत हुने भएकाले गङ्गालाई हौसला दिन भोटिङमा सहभागी हुनुपर्ने आवश्यकता पनि उहाँले जोड दिनुभयो ।