जनतापत्र,सिन्धुपाल्चोक ।
पाख्रीन तामाङ समाज सिन्धुपाल्चोकको प्रथम अधिवेशन सम्पन्न गरी नयाँ नेतृत्व चयन गरिएको छ। काठमाडौंमा शनिबार सम्पन्न अधिवेशनबाट जगबहादुर पाख्रीनको अध्यक्षतामा नयाँ कार्यसमिति गठन गरिएको हो। कार्यक्रममा प्रमुख अतिथि शुक्र पाख्रीनको उपस्थितिमा अधिवेशन सम्पन्न भएको थियो। समाजको एकता, सामाजिक जागरण र सांस्कृतिक पहिचान संरक्षणका उद्देश्यसहित अधिवेशन आयोजना गरिएको संयोजक समेत रहनु भएका जगबहादुर पाख्रीनले जानकारी दिनुभयो। नव–निर्वाचित कार्यसमितिमा उपाध्यक्षहरू सन्देश पाख्रीन तामाङ,उपाध्यक्ष सन्चबहादुर पाख्रीन ,विरबहादुर पाख्रीन र शिशिर पाख्रीन रहेका छन्। त्यस्तै, सचिवमा दोकदोक पाख्रीन र कोषाध्यक्षमा गंगा पाख्रीन चयन भएका छन्। उपाध्यक्ष सन्देश पाख्रीनका अनुसार समाजले आगामी दिनमा जिल्लाभरका पाख्रीन तामाङ समुदायबीच सहकार्य, शिक्षा, संस्कृति र सामाजिक एकतालाई बलियो बनाउने कार्यक्रमहरू सञ्चालन गर्ने योजना बनाएको छ।