जनतापत्र, पाँचपोखरी ।
निशुल्क स्वास्थ्य शिविरबाट पाँचपोखरीमा ५ हजार ३५१ लाभान्वित भएका छन् ।

सिन्धुपाल्चोकको पाँचपोखरी थाङपाल गाउँपालिकामा दुईदिन स्वास्थ्य शिविर संचालन भएको थियो । उक्त शिविरबाट ५ हजार भन्दा धेरैजना लाभान्वित भएका छन् ।
सिन्धुपाल्चोकका स्वास्थ्य कार्यालयका प्रमुख द
ुर्गा बजगाँईंले गाउँपालिकाको मंगलबार वडा नम्बर ७ भोटेनाम्लाङ र बुधबार वडा नम्बर ६को धापमा सम्पन्न शिविरबाट ५ हजार ३५१ जनाले सेवा लिएको बताउनुभयो ।
वडा नम्बर ६ का अध्यक्ष एवम् गाउँपालिकाका प्रवक्ता नारायण भट्टराईले भौगोलिक विकटता र आर्थिक अभावका कारण सहर बजारका स्वास्थ्य संस्थामा पुगेर सेवा लिन नसकेका नागरिकहरुको सुविधाका लागि शिविरले फाइदा पुर्याएको जनाउनुभयो ।
ग्रामिण भेग र आर्थिक अभावका कारण अस्पताल जान नसकेका विरामीले शिविरबाट प्रत्यक्ष लाभ लिएका हुन् ।
विशेषज्ञ चिकित्सक सहित जिल्ला जनस्वास्थ्य कार्यालय द्वारा पाँचपोखरी थाङपाल गाउँपालिकाको समन्वयमा आयोजित शिविरमा विशेषज्ञ चिकित्सक, स्वास्थ्यकर्मीले सामान्य चिकित्सा, बालरोग, नाक, कान, घाँटी, आँखा, दाँत, मुख, स्त्री तथा प्रसूति,स्वास्थ्य परीक्षण, उपचार र परामर्श सेवा प्रवाह गरिरहेका छन् ।